Zoologiya İnstitutunda Ümumdünya Mülki Müdafiə Günü qeyd olunub
01.03.2023
144
Bakı, 1 mart,AZƏRTAC
Elm və Təhsil Nazirliyinin Zoologiya İnstitutunda Ümumdünya Mülki Müdafiə Gününə həsr olunmuş tədbir keçirilib.
Bu barədəAZƏRTAC-a institutdan məlumat verilib.
İclasda institutun Mülki müdafiə qərargahının rəisi Anar Əliyev “Ümumdünya Mülki Müdafiə Günü” və “Risklərin qiymətləndirilməsində informasiya texnologiyalarının rolu” mövzularında məruzə ilə çıxış edib. Mülki müdafiə haqqında qanunda nəzərdə tutulmuş hüquq və vəzifələri, fövqəladə hallar zamanı insanların təhlükəsizliyinin təmin edilmənin üsul və vasitələri işçilərə izah olunub.
Sonda fövqəladə hallar zamanı ilk yardım və təhlükəsizlik tədbirlərini əks etdirən videoçarx nümayiş olunub.
Dostlarınızla paylaşın!
