Orta məktəblər 12 illik təhsilə nə vaxt keçəcəklər?
Prezident İlham Əliyev tərəfindən təsdiqlənən “Azərbaycan Respublikasında təhsilin inkişafı üzrə Dövlət Strategiyası”nın həyata keçirilməsi ilə bağlı Fəaliyyət Planı”na uyğun olaraq, Azərbaycanda 12 illik ümumi təhsil sisteminə keçid mexanizminə dair təkliflər hazırlanacaq.
Bolge.info Modern.azsaytına istinadən xəbər verir ki, Fəaliyyət Planına əsasən, təkliflər sənədi 2017–2018-ci illərdə Nazirlər Kabineti və Təhsil Nazirliyi tərəfindən hazırlanacaq.
Sözügedən sənədə əsasən, 2016-cı ildə 12 illik ümumi təhsilin milli məzmun və qiymətləndirilmə standartları təsdiq ediləcək. 12 illik ümumi təhsilə keçidi təmin etmək məqsədilə müvafiq qanunvericilik aktlarında dəyişikliklər olunacaq.
2016-2017-ci illərdə isə Təhsil Nazirliyi tərəfindən 12 illik ümumi təhsilin səviyyələri üzrə nümunəvi fənn kurikulumları, dərslik sahəsində yeni qaydalarhazırlanacaq.
Bununla yanaşı, 2017-ci ildən başlayaraq, mütəmadi olaraq, tam orta təhsil səviyyəsində təhsil müəssisələri müxtəlif istiqamətlər üzrə bölünəcək.
