Orta ixtisas təhsillilər I-IX siniflərdə dərs deyə bilərmi?
2015-2016-cı tədris ilinin əvvəlinə ümumi təhsil müəssisələrində orta ixtisas təhsilli müəllimlərin sayı 32,4 min nəfər olub. Dövlət Statistika KomitəsindənLent.az-a verilən məlumata görə, onlardan 11,1%-i bədən tərbiyəsi, 8,9%-i ingilis dili, 7,8%-i əmək tədrisi, 4,8%-i musiqi və nəğmə, 4,1%-i isə təsviri incəsənət, rəsmxət üzrə müəllimlər təşkil edib.
Təhsil Nazirliyindən isəLent.az-a bildirilib ki, orta ixtisas təhsil müəssisələrində təhsil ixtisaslar qrupuna fiziki tərbiyə müəllimliyi, texnologiya müəllimliyi, peşə təlimi, musiqi müəllimliyi, təsviri incəsənət müəllimliyi daxildir.
Eyni zamanda o da vurğulanıb ki, orta ixtisas təhsilli şəxslərin də müəllim kimi işə qəbulu Təhsil Nazirliyinin rəsmi internet saytında (www.edu.gov.azvəwww.miq.edu.az) vakant yerlər barədə verilmiş elan əsasında mərkəzləşmiş qaydada müsabiqə yolu ilə həyata keçirilir. İxtisasından asılı olmayaraq, həmin şəxslər X və XI sinif istisna olmaqla digər siniflərdə dərs deyə bilərlər.
